Tabiat inson uchun tabiiy boyliklar manbaidir. Inson u bilan mavjud va tirik, hayoti bardavomdir. Yurtboshimiz I.A.Karimov “Ona zaminimiz – boyligimizning, mustaqilligimizning va go`zal kelajakka ishonchimizning asosiy manbaidir”- degan sozlari ila “Vatan sajdagoh kabi muqaddasdir” sarlarida yurtimiz kelajagining ravnaqi va xalq farovonligini tabiatga bevosita bog`liqligini oldindan bashorat qilganlar (1996 yil, 3-jild. T., “O`zbekiston”, 277-bet.) .
Darhaqiqat, davlatimizda olib borilayotgan iqtisodiy islohotlarning yaxshi natijalarga erishishi, mamlakatimiz xalq xo`jaligining barcha tarmoqlarining hozirgi kunda jahon andozalariga mos ravishda, yuksak darajada, rivoj topayotganligi diyorimizdagi boyliklarga, uning boy tabiatiga bog`liqdir.
Yurtimiz tabiati shunchalar maftunkor, shunchalar boy. Uni yozuvchi va shoir Oybek shunday ta’riflaydi:
Bir o`lkaki, sal ko`rmasa quyosh sog`inar,
Bir o`lkaki, tuprog`ida oltin gullaydi.
Serquyosh o`lkamizning iqlimi ko`pgina issiqsevar o`simliklar – g`o`za, bug`doy, poliz ekinlari va mevali daraxtlarni o`stirishga imkon bersa, uning betakror, go`zal tabiati insonlarni bag`riga chorlab, salomatligini tiklashga, undan zavq olishga imkon yaratadi. Bu esa mamlakatimiz iqtisodida asosiy o`rinni tutgan qishloq xoj`lik ekinlarini hosildorligiuni oshishiga, tabait go`shalarida dam olish va profilaktika uchun mo`ljallangan oromgohlar, dam olish maskanlarini qurilishiga sabab bo`lmoqda. Yurtimizning xilma-xil tabiat zonalari hafaqat xalqimiz balki chet ellik turistlarni ham o`ziga jalb qilmoqda. Masalan, Zomin archazorlarining havosi yurak va bronxial astma kasalliklariga davo bo`lsa, uning maftunkor tabiati tturistlarni bag`riga chorlaydi. Hatto Qizilqum cho`li qumliklariga tikilgan o`tovlar kishilarni cho`l tabiati bilan bevosita tanishish, yurtimiz quyoshining chiqishi va botishini tomosha qilish uchun chorlaydi.
Vatanimiz tuprog`i shu qadar mo`jizakorki, shoir aytganidek unda “oltin gullaydi”. Haqiqatan ham yurtimizning milliy iftixori bo`lgan paxtani “oq oltin” deymiz. Chunki, u qimmati jihatidan oltinga teng, jahon bozorlarida sifati bilan alohida ajralib turadi. Yurtimiz tuprog`ida hatto sitrus mevalarni yetishtirishimiz mumkin. Hozirgi kunda esa intensiv bog`lar yaratilib xalqimizning mevalarga bo`lgan talabi to`la qondirilmoqda. Kelajakda esa chetga eksport qilish rejalashtirilmoqda. Bugina emas, tuprog`imizda yovvoyi holda ungan giyohlarning tarkibi ham o`ziga xos, vitamin va minerallarga boy. Hammamizga ma’lum bo`lgan isiriqni olaylik, biz undan bevosita xonadonlarimiz havosini dezinfeksiya qilishda foydalanamiz. Bunga o`xshash dorivor giyohlarimizning son-sanogi` yo`q. Ularning barchasidan xalq tabobatida va zamonaviy tibbiyotga keng foydalanil,oqda.
Qorako`l qo`ylarining asosiy yemishi bo`lgan shuvoqning tarkibida esa turli vitamin, fitonsidlar bilan birgalikda minerallardan oltinni borligi aniqlangan. Uni iste`mol qilgan qo`ylarning terisi, uning juni rangi o`zgacha jilolananadi. Shu tufayli ham yurtimiz cho`l va dir yaylovlarida boqilgan qorako`l qo`ylarining terisi jahon bozorida yuqori baholanmoqda.
Yurtimizning yovvoyi tabiati o`ziga xos tuzilgan. “Cho`l malikasi” deb atalmish saksovullar cho`llar manazarasini o`ziga xosligini ta’minlash bilan birga bu yerda yashovchi tuya va ohular uchun qimmatbahoyemish hisoblanadi. Lolani ko`rganda, yoki qizg`aldoqzorlarga nazar solganda qalbi o`z-o`zidan quvonchga to`lmagan insonning o`zi bo`lmasa kerak, albatta. Purviqor to`glari insonni yuksaklikka chorlash bilan birga, o`z bag`rida foydali qazilmalar, toza suv, minglab o`simlik va hayvonlar turini saqlaydi. Vodiylari esa insonlarga yashash uchun qulay go`sha. Inson vodiylarni go`zal bog`-rog`larga aylantirmoqdalar.
Inson ona-tabiat farzandididir. U ona Yer tabiatidan ayro yashay olmaydi. Tabiat, ona Yer biz uchun bir beshik, mehribon ona quchog`i kabidir. U bizga beqiyos noz-ne’matlari bilan saxovat ko`rsatish bilan birga o`zi ham mehrga, e’zozga muhtoj. Shunday ekan, “mustaqilligimiz va go`zal kelajakka ishoncimizning asosiy manbai” bo`lgan yurtimiz boyliklarini ko`z qorachig`iday asraylik. Tabiatni sevish, suv, tuproq, havo, nabotat va hayvonot olamini e’zozlash, inson o`zi o`sib-ulg`ygan zaminni, atrof-muhitni yuksak e’tiqod-la ardoqashga, kelajak avlod uchun asrab-avaylab yetkazishga burchli ekanligiga undash biz pedagog xodimlarning asosy vazifamizdir.
Navoiy davlat pedagogika instituti, Tabiatshunoslik fakulteti,
Umumiy biologiya kafedrasi o`qituvchisi Boratova M.G`.